經典~~再次經典

外景：深圳某一市場豬肉攤前。
某女甲：你以爲你匿喺度就搵唔到你咩？冇用架！你啲咁出色嘅難忍（男人），無論喺邊度，都好似漆黑中嘅螢火蟲一樣，咁鮮明，咁出衆。你憂鬱嘅眼神，唏噓嘅鬚根，神乎其技嘅刀法，同埋嗰杯Dry Martine，都徹底噉將你出賣咗。不過，你雖然系咁出色，始終行有行規，無論典（點）你都要找埋尋晚嗰條過夜數，叫雞唔使畀錢呀？
凌凌漆：我重估我哋嘅交往系建築喺感情之上，估唔到，原來都系一盤生意。
某女甲：講感情都要畀錢架。
凌凌漆：明白嘅，有一早畀咗你啦。但系近排興食齋，冇乜人幫襯，不如噉啦，攞篘豬肉返去頂住數先啦。嚟吖，粗粗地，唔該。
某女甲：你好嘢，山水有山逢。（某女甲提豬肉轉身走。）
凌凌漆：
有興趣嘅不如今天再相逢啦。
（某女甲把豬肉投向凌凌漆）
凌凌漆（用刀接住豬肉）：慳番。（順勢將豬肉切成兩半，掛喺豬肉鉤上）
某女乙：咩話？個衰佬唔肯畀錢？我幫你拖馬喐佢！
某女甲：算啦，話到尾，佢始終都系一個獨一無二、風度翩翩嘅豬肉佬。
（阿漆依着豬肉攤，品着白蘭地。）