資訊安全好重要

作為香港企業公司一份子,我可以好肯定咁同大家講,資訊安全真係真係好重要。或者大家覺得網絡世界都係虛擬,邊會有咩安全唔安全,隨便㩒隻制都會有好大影響咩?你估真係拍劇咁誇張咩?拿,正正係依種守舊嘅心態,先會令到一班駭客成功咁入侵你地部電腦,趁你地唔為意,懵盛盛咁是但禁咗某個彈窗,下一秒,眼前屏幕一黑,你部電腦就係咁瀨嘢架啦。咁可以你會問,電腦入侵我相信呀,但關企業公司咩事呢?事關其實由近年開始,唔少企業都反映自己內部嘅電腦系統中病毒,甚至係有軟件勒索嘅嚴重問題,依啲情況正正說明咗一樣野,就係香港企業普遍都冇足夠嘅資訊安全知識,又或者係佢地冇全面網絡安全措施,系統存在巨大嘅網絡保安漏洞,令網絡上面嘅賊仔有機可乘。對於一啲大企業公司,佢地可能自己本身已經有一條IT電腦專業團隊去幫佢地管理自己系統的網絡安全,或者甚至外判俾出面大型嘅系統安全服務公司,去保障自己嘅公司財產。咁都當然大公司係比較有財力,同時亦都會容易成為駭客入侵嘅主要目標,相對容易招惹損傷,所以要花費保障自己公司系統安全都實屬正常嘅事。但其他中小企可能會覺得,佢地放上網絡或者內部文件比較冇咁大規模,而且蚊型公司都唔會變成駭客嘅行兇對象,就覺得唔需要大費周章去做依個功夫,但往往依個輕率嘅態度就會百密一疏,隨時會損失公司利益。咁所以,我會好建議各界企業家,趁仲未受到任何損失,要及早做足安全措施,去提防網絡及系統被人攻擊,不過我都知中小企運營資金有限,未必擁有自己一條成熟IT部門,甚至都冇員工可以處理到公司系統嘅技術問題,咁你地就更加需要去外判其他IT公司,使用佢地嘅一啲網絡安全服務,如果擔心自己內部文件嘅數據漏失,大家可以尋找data center services或其他與數據安全相關嘅服務,去好好保障公司資產。
發表評論
所有評論
還沒有人評論,想成為第一個評論的人麼? 請在上方評論欄輸入並且點擊發布.
相關文章