第六十八章、家宴（二）
大家举杯，祝贺胡医生与荷丽珍喜结良缘，一杯七宝大曲下去了，这是吃高粱酒的小酒杯，一杯叁钱左右。敬仁再帮大家倒满举起酒杯讲，我敬仁与荷丽珍有今天再次要感谢各位，刚要一口闷被荷丽珍拦下来讲，敬仁侬陪大家慢点吃，我去把热菜烧好。小江北老婆抱着小囡讲，胡太太我帮侬一道去。荷丽珍讲，侬坐了一起吃，我一个人可以了。
敬仁招呼着大家吃菜，从小江北老婆手里抱过小囡讲，侬帮荷丽珍去一道把菜烧好算了。茶馆店老板讲，胡医生侬一直叫自家老婆荷丽珍吃力勿，从现在开始侬要么叫老婆、要么叫丽珍不许再叫三个头字额名字了。小江北老婆和老板娘都讲，是额，叫全名听起来牢别扭额。敬仁讲，大家讲了对，我自罚一杯。
荷丽珍，端着一盘糖醋大黄鱼进来讲，大家吃吃看味道哪能？老板挟了一小块肚档放入嘴里讲，不错有本帮菜的味道。小江北老婆端上来一盘干煎带鱼，荷丽珍又端上来韭菜炒蛋，小江北老婆又端上来糖醋甜椒。茶馆店老板讲，小江北老婆侬叫胡太太一道来吃勿，等一息再烧，阿拉也来不及吃了。敬仁讲，是额，是额一道来吃勿。
敬仁问，老板我昨天到茶馆店来，侬和老板娘都不在做啥去了？老板讲，我们到公安部门去登记了，还帮小浦东也登记好了。敬仁问，小江北侬和老婆去登记过勿？小江北讲，我上次在单位里登记额房子算登记过勿？敬仁讲，侬最好跟侬老婆一起到公安部门去一趟，去问问清楚，据我晓得，房子是归地政局的与公安部门不是一个单位。小江北讲，晓得了，阿拉明早就去登记。
敬仁问茶馆店老板讲，侬去登记是否留了底稿？老板讲，没有。敬仁讲，侬回去与老板娘一起回忆一下，然后抄下来放好，这就是那额档案资料，如果下次再叫侬登记填写，侬写了不一样就麻烦了。
小江北讲，我和老婆又不认得字额，侬叫我哪能办？侬吃好饭留下来，我帮侬写下来再讲一遍，侬和老婆记牢不要忘记脱。小江北讲好额，又要麻烦胡大夫了。
敬仁问小浦东，在蔡同德堂做学徒还可以勿？小浦东讲，蛮好额我现在三天整理中草药，三天站柜台称中药，每个月还有十二块学徒生活费。敬仁问蔡老板还好吗？小浦东讲，蔡老板现在靠边站了，每天和阿拉一样额上下班，听讲，蔡同德堂公私合营后，药房属于国家了。
茶馆店老板讲，小浦东真是个懂事体额人，每个月只留五块钱领用钿，余下来都交给我了，我不要他还不肯，我讲，我是一分钱也不会要侬额我都帮侬存起来了。
荷丽珍把走油蹄膀，青菜炒香菇，红烧肉端了上来讲，还有一只榨菜肉丝蛋汤没有烧。敬仁讲，老婆侬今天辛苦了，最后一只汤我来烧。荷丽珍讲，侬叫我啥？再叫一遍。